قال الإعلامي المصري المثير للجدل أحمد موسى، إن حكم محكمة النقض بشأن الرئيس الأسبق محمد مرسي وقيادات الإخوان في قضية التخابر، لا يعني براءتهم، لافتا إلى أنهم مدانين بالتخابر، حتى بعد قبول نقضهم.
وأضاف “موسى”، في برنامجه “على مسئوليتي” المذاع على قناة “صدى البلد”: “محكمة النقض هي محكمة قانون وليست محكمة وقائع، ومش معنى أن نقضهم اتقبل أن الجواسيس كدا براءة، هو إعادة محاكمة للجواسيس أمام دائرة أخرى، ومحكمة النقض مالهاش علاقة القضية فيها ايه، قاضي النقض مبينظرش للموضوع ومبينظرش لأن مرسي تخابر مع حماس، وتواصل معها، وهي حركة إرهابية متورطة في مصر، وهو هرب من السجون، كلامي واضح لكن مالوش علاقة بمحكمة النقض”.
وتابع: “عشان كدة يا جماعة، يا مجلس النواب، قانون الإجراءات الجنائية عشان الهم اللي احنا فيه دلوقتي، وقولًا واحدًا بقولكم تجسسوا مع حماس وتخابروا معاها، وهيرجعوا يتحاكموا من جديد وإن شاء الله هيبقى إعدام وبعد كدة يروح النقض تؤيد أو ترفض وأنا بقولكم فيه أحكام إن شاء الله بس منتظرين القضاء، هنعمل ايه يعني؟”.
