إعلاميو النظام المصري يلطمون..تامر أمين: “لازم حل..هنكح تراب”! “فيديو”

على ما يبدو وكما هو معهود أنه كلما زاد السخط الشعبي على النظام، كلفت الاجهزة الامنية أعلامها الموالي بتنفيس الغضب وصبه على الحكومة، ومن هذا المنطلق وكغيره من الإعلاميين في الفترة الاخيرة، هاجم الإعلامي تامر أمين، الحكومة المصرية والبنك المركزي بسبب الأزمات التي تسبب فيها تحرير سعر صرف الجنيه المصري أمام الدولار قائلا: “لازم حل تاني عشان نعرف نتنفس بدل ما نكح تراب”.

وأضاف “أمين”، في برنامج “الحياة اليوم” المذاع على قناة “الحياة”: “سعر الدولار اليوم 18 جنيهًا وهو نفس سعره في ليلة تحرير سعر الصرف، “ده معناه إن كل اللي حصل في مصر منذ القرار هو تقنين السوق السوداء، بشكل معتمد وبإقرار من البنك المركزي، وده بقى قانوني بدل ما يكون تلاعب”، متسائلًا: “هو أنتم كدا اكتفيتم بالإجراءات اللي حصلت، لضبط السوق؟، لكن بقول لكم لأ، هذا لا يكفي”.

وتابع : “المسؤولين عملوا أول قرار وهو قرار ضبط سعر الصرف، ولازم حل تاني عشان نعرف نتنفس بدل ما نكح تراب، وهو إن البنك المركزي يجبر الناس على إيداع الدولار في البنوك أو يحولها خلال مدة معينة دون أن يسأله على مصدره وبعد المهلة “مفيش دولار هيخش البنك إلا بمعرفة مصدره وإلا المواطن يعمله حجاب ويعلقه على الحيط”.