تصدرت الفنانة المصرية رانيا يوسف، حديث الناشطين عبر مواقع التواصل الاجتماعي بعد تصريحاتها الجريئة. في أحدث ظهور إعلامي لها.
“أقبل الإغراء”
وتحدثت رانيا يوسف عن لقب ممثلة إغراء، موضحة أنه ليس وصمة عار أو إهانة للفنانة.
وأكدت رانيا خلال لقائها مع الإعلامية إنجي أنور، في برنامج “مصر جديدة” على قناة ETC أنها تقبل تقديم أدوار بها قبلات ومشاهد جريئة في السينما المصرية.
وتابعت: “أنا مش بقلق لما بعمل أدوار جريئة أو مثيرة، إحنا لازم نكون تخطينا طريقة التفكير دي. أنتي دلوقتي بتتعاملي مع منصات إلكترونية بتجيب كل حاجة، وخايفة تعملي أدوار جريئة ليه؟ عشان الناس مثلا”.
وتابعت رانيا: “وأنا مش بخاف أتحط في تصنيف ممثلة الإغراء. أصل أيه المشكلة في لقب ممثلة إغراء دي مش شتيمة، ومش وصمة عار. خايفين من الناس تحكم عليكم ليه، يحكموا عليا ليه أصلا ولو حد بيفكر بالطريقة دي في 2022 يبقى فيه خلل عندنا في التفكي”.
رانيا: ” ممكن أعمل مشهد فيه قبلة أو ألبس بيكيني”
وزادت رانيا تصريحاتها الجريئة بالقول: “لو حد عايز يتفرج على أفلام إباحية هيجبها على الموبايل. أنت مش مستنيني أجي أعملك مشهد إغراء. المشاهد لو عايز مشهد إغراء هيتفرج عليه في مليون حتة. أنا معنديش خطوط حمرا في السينما”.
وشددت رانيا على أنها “ممثلة بروفيشنال”، معقبة: “وممكن أعمل مشهد فيه قبلة أو ألبس بيكيني. لو دا يستدعي وفي سياق العمل، وممكن أعمل مشهد أكتر من كدا كمان. وأنا ما دام وفقت على الفيلم يبقى وافقت على كل اللي في الفيلم. وبعرف أفرق أيه المشهد اللي مهم وأيه اللي مش مهم وبتناقش مع المخرج”.
اقرأ أيضا: رانيا يوسف تستعرض أنوثتها بالأحمر الناري وتعليق غامض عن “الحرية”!
واعترفت رانيا أن أعمالها الجريئة بالسينما وراء شهرتها.
كما كشفت رانيا ميولها نحو الأزياء قائلة: “أحب ارتداء الأزياء خاصة الألوان الفاتحة. وأحب ارتداء المايوه والشورت في فصل الصيف. وأحب ارتداء الفستان دون بطانة. وأميل لأن أكون على البحر خلال الصيف بالمايوه”.
الزواج متعة
وحول تعريفها للزواج، قالت رانيا إنه متعة وإنها لا تحتاج إلى رجل.
وتابعت: “الزواج بالنسبة لي متعة، وحاجة نفسية ومعنوية مش أكتر. وأنا مش محتاجة راجل، أصل هعمل إيه بشريك حياة يعني. أنا عايزة راجل يحترمني ويحترم ظروف شغلي لأني برجع من البيت 5 الفجر”.
وأضافت: “الراجل بيتغير بعد 3 شهور من الزواج. والراجل المصري بيبقى ملاك أول 3 شهور بس بعد كدا مش بتعرفيه”.
وواصلت: “مش محتاجة راجل يصرف عليا. لأن أنا لولا شغلي مكنتش هعرف أربي بناتي وأعيشهم في حياة كويسة. وأنا في حالة حب مع بناتي”.
لا للزواج من جديد
وأكدت رانيا أنها لا تنو الزواج مرة أخرى. وعقبت: “الزواج ملهوش لازمة دلوقتي بالذات في المجتمعات العربية. لأن مفهوم الجواز عندنا غلط يعني الناس ببتجوز عشان تخلف أو تعمل علاقة. لأن معندناش مفهوم العلاقات المفتوحة ودا الطبيعي في المجتمعات الشرقية”.
اقرأ أيضا: رانيا يوسف ترقص في ملهى ليلي بفستان أحمر فاضح مع صديقاتها الإسبانيات! “فيديو”
وتابعت الفنانة: “الزواج في البلاد العربية بيقوم على المصالح أو عائلات بتناسب بعض. وبقى كل اللي بتشوفيه بيكون عايز منك حاجة أو عايز يتشهر. ومفيش حاجة اسمها فتى أو فتاة أحلام دي روايات بتاعت زمان.
واختتمت رانيا حديثها بالقول: “فيه راجل يحترمك ويحترم شغلك وحياتك وخصوصياتك. والاحترام هو اللي بيخليكي تحبي الشخص اللي قدامك. ولو لقيت الراجل اللي بيعملي كل حاجة نفسي فيها بردو مش هتجوز لأني اتعودت أبقى لوحدي. وبقالي 3 سنين مطلقة”.
المصدر: (وطن – متابعات)
