تسريب خطير: عزام الأحمد يصف “فتح” بالعاهرة ويبريء دحلان من سقوط غزة ويتهم عباس

اتهم عضو اللجنة المركزية لحركة فتح عزام الأحمد, الرئيس الفلسطيني محمود عباس بسؤوليته عن سقوط غزة في ايدي حركة حماس.

وبرئ الاحمد في تسريب صوتي أطلعت عليه “وطن” ونشره حساب “تسريبات فلسطينية” على موقع “يوتيوب” عضو حركة فتح المفصول  محمد دحلان والهارب إلى أبو ظبي قائلاً ” محمد دحلان لو أتى أنا عندي قناعة “90%”من اللي انحكى عليه برجع على أبو مازن “.

وتابع الأحمد الذي بدا عليه الغضب من تصرفات اللجنة المركزية لحركة فتح قائلاً ” خلال اجتماع اللجنة المركزية حول محمد دحلان قلت لهم انتوا تفتكرونها  أكلة فجل وبدكم  يلا اسلق.. وانتو جايين تقولوا لي مصير وطن وبتحكوا إسرائيل وبتحكوا أمريكا وبتحكوا حوادث قتل وبتحكوا سقوط غزة.. بدكم سلق  ” !!

وأضاف ” قلت لعباس زكي “عضو مركزية” دخلك ما انت بقيت عضو لجنة مركزية والأن بتقول في تأخير ؟!.. طيب لماذا لم تحسبها لكان لم نعطيك عضو لجنة مركزية وهنا وقف جبريل الرجوب “عضو مركزية أيضا” خلال اجتماع في بيت عثمان أبو غربية “عضو مركزية” وقال لازم نزيح الأحمد من طريقنا”.

وواصل الاحمد كشف اسرار حركة فتح في التسريب الصوتي قائلاً ” انا لحظتها قلت لهم بعد ان “حكوا حكوا حكوا” انا متمسك في اللجنة المركزية وانا بإمكاني أن أهرب صح ولا لاء ” وهنا يضيف الأحمد ” أنا متمسك باللجنة بس أنتوا بتحكوا  على زميلكم كل هذا الحكي بتعرفوه وطول عمركم حلفاء انتم واياه-في إشارة إلى دحلان- وانا لم اتحالف معه وانا ما بعرف كل هذا الحكي “.

وتابع هنا.. ” في عندي تيار ودالي اياه أبو مازن في لجنة التحقيق بس من شان يفرض “أولاد”.. طيب ما انا بإمكاني من بدياتها استغل نقطة لما قالوا بدناش عزام رئيس اللجنة وأطلع.. انا فاهم كل القصة كل شيء أبو مازن عمله أو دحلان عمله أبو مازن شريك فيه وبعتبر قبله أبو عمار “الراحل ياسر عرفات يقصد” شريك فيه” مضيفا حسب الفيديو الذي أطلعت عليه وطن ” اه طيب انت وين كنت التهمة بتصير لمين ؟! انا لا أقبل أن اخون ضميري “.

وقال ” قلت لهم أنا أرفض أن أوقع على قصة غزة وتحميل دحلان المسؤولية الكاملة عنها لأنه مش لوحدوا يتحمل المسؤولية.. اللي حصل في غزة أبو مازن يتحمله “.

وعند تشكيل اللجنة- حسب الأحمد- “صاروا يجبولنا- كما يقول في لغته العامية- من هب ودب وكلجنة تحقيق لم نثبت على دحلان شئ وقلنا لهم القتل ما بنقدر احنا نحقق فيه واللجنة المركزية في قضايا القتل ليس لها علاقة.

وأضاف ” قضية المال انو بتقولوا أبو أحمد عنده ألف ألفين دونم  انا قلت هاي مش لدحلان ما بنقدر نثبت عليها ولا عنا القدرة لجنة التحقيق تثبت إنها الو بالتالي هذا لا يعنينا.. صار انت في ستة لجنة مركزية أدلوا بشهاداتهم واتهموه بقضايا سياسية كبيرة “.

وهنا يضيف الأحمد ” قلنا المهم انتوا اللي قرروا احنا ليس لنا علاقة “.

ويضيف ” انا مثلا بقولهم لماذا ابقيتم دحلان في المفاوضات وأنا على رؤوس الأشهاد لا اتفق سياسيا معه ولكن دحلان ليس خصمي-كما قال-  دحلان لو أتى انا عندي قناعة 90% من اللي حكوا عليه برجع على أبو مازن انه خليه يخلط الحابل بالنابل”!

وتطرق الأحمد إلى قضية عوني المشني أحد أعضاء الحركة الذي ادعى أن محمد دحلان طلب منه عقد اجتماعات مع أمناء سر وكوادر الحركة في الضفة الغربية قائلاً ” انا قلت لهم وعثمان هنا تراجع عن قناعتوا وصخر بسيسو زي عادته صمت.. قلت لهم انا رأيي أن المشني هو الذي استخدم دحلان مش العكس لان احنا عارفين البير وغطاه وهاي قصة تافهة وبعدين انتوا اللي قاعدين  احنا مش في تكتلات بيننا. بلاش حكي فاضي “.

والخطير هنا كان في كلام الأحمد حسب ما أطلعت وطن على التسريب قوله ” في جملة انا وضعتها بلؤم انا اخترت اخطر الجمل اللي حكوها اعضاء اللجنة المركزية تبعين اللي أجو وادلوا بمعلومات وحطيتها في المؤجر في التقرير اللي قدمناه ومرفق طبعا التحقيق التفصيلي شو ضمن اللي بحكيه حسين الشيخ ” مسؤول الخدمة المدنية بالسلطة الفلسطينية” بقول راجعني أول مرة يوفال دسكن رجال المخابرات الاسرائيلية كان جاي عند أبو مازن بدو كذا (…) وبعدين أخذني على جنب قلي وهاي بيت القصيد- حسب كلام الأحمد-.. (وصلتنا معلومات انه بدكم تاخذوا قرار تمنعوا دحلان من حضور الجلسات) ويضيف الأحمد ” وانا بأقراء فيها احسن ما ينتبهوش جيت وقفت وقلت أوف انا رأي لازم نحقق في اللجنة المركزية.

وتابع مستغربا من استشارة دسكن كما قال مطلقا هنا لفظا خارجا “…” أخت هيك بشر, مضيفا ” الان انا لما بوقف القراءة وبقول بدنا نحقق كيف عرفت إسرائيل ان هناك قرار يعني بتعرف في نوايانا ولا مستشرينها ما انا بتهم فيهم في إشارة إلى اعضاء اللجنة المركزية لحركة فتح.

وقال لمحدثه في التسريب الصوتي ” يا زلمة فش حدا بقولك اه والله وقفوا بدنا نعرف كيف ” قال لي الاسرائيليون !!.. شايف ولا واحد يسئل طيب شو صفتك مش حسين بس انو كلنا اثريتنا حركة إسرائيلية واحنا معناش خبر ما كلها حركة عاهرة “!!