شنّ الإعلامي المصريّ الساخر، باسم يوسف، هجوماً حاداً على الإعلامي أحمد موسى، ومن أسماهم بـ” شلة الاعلاميين الحلوة”، في إشارة إلى الإعلاميين المؤيدين للرئيس عبد الفتاح السيسي.
وطالب “باسم يوسف” بعمل أفلام تسجيلية و دراسات ورسائل على أحمد موسى وبقية الاعلاميين؛ للدور الخارق للعادة الذين يقومون به. كما قال
وكتب الإعلامي السّاخر على صفحته في “فيسبوك”: “المفروض يتعمل أفلام تسجيلية و دراسات و رسايل دكتوراه على احمد موسى و بقية شلة الاعلاميين الحلوة دي . الناس دي بتقوم بدور خارق للعادة”.
وتابع: “ازاي يطّلع امبارح يقول الدولار بعشرة و الناس تصحى تلاقيه ب ١٣ الصبح و شارخ على ١٦ على اخر اليوم و يطّلع عادي و يقول ان دي ضربة معلم عشان الاخوان خسروا ١٨ مليار دولار بالحركة دي . او يجيب مشهد من فيديو جيم على انها غارات للجيش الروسي و يكمل عادي . او يطّلع ينفي صفقة الطيارات الرئاسية و بعدين يبررها عادي ، او يقول للناس تشرب مية بلمون و في نفس ذات دين ام الجملة يحكي على أكلاته المفضلة الغالية. او يروج ان حسن مالك هو سبب أزمة الدولار او ان البلد كويسة و ان اللي بيحصل ذي اشاعات سببها عصابة بتروج للمناخ التشاؤمي”.
وأضاف: “القدرة المتجددة على التعريص و على التبرير و على إيجاد عالم موازي دي شئ جبار يا جماعة. ازاي بيحضر للبرنامج؟ ازاي بيكتب السكريبت؟ ايه هي كواليس البرنامج و هو بيتلقى الأخبار الجميلة قبل ما يطّلع الهواء و بيقرر ايه هي حركات الجمباز العقلي اللي حيقوم بيها عشان يبرر النهاردة؟ ازاي بيمتلك ثقة في النفس كده و هو مستوى كفائته و ذكاءه و امكانياته اقل من إمكانيات شخص مجذوب يجري وراء عربات الرش؟ ”
وختم منشوره بالقول: “ثم تذكرت إمكانيات اللي مشغله و مستوى اللي مدور البلد و عدد اللي الناس اللي لِسَّه بتصدقه فما عدتش استغرب”.
