استنكر الناشط السياسي وائل غنيم، اتهامه وعدد من المشاهير بالوقوف وراء التظاهريوم 11 نوفمبر المقبل، تحت شعار “ثورة الغلابة”.
وقال غنيم في تدوينة عبر صفحته الشخصية بموقع التواصل الاجتماعي “فيس بوك”: “فيه كمية ترويج إعلامي غريب لموضوع 11 نوفمبر، بشكل شخصي معرفش أي حد بيحشد للنزول لليوم ده غير الأذرع الإعلامية اللي بتتهمني أنا ومجموعة منها عمرو حمزاوي والبرادعي وباسم يوسف وغيرهم بإننا ورا الدعوة لليوم برغم إن ده مالوش أي أساس من الصحة. وأحمد موسى نشر تويتة مفبركة منسوبة للبرادعي إنه بيدعو “أحرار مصر” لحمل السلاح ضد الدولة!”.
وتابع: “التفسير الوحيد المنطقي بالنسبة لي إن بعض الأجهزة عايزة يوم 11 نوفمبر يظهر وكأنه يوم بيتحشد له لتنفيذ مؤامرة على مصر، ولما اليوم يعدي عادي وميحصلش حاجة يقولوا فشلت المؤامرة (وده حصل قبل كده) ويحتفلوا بده كأي نجاح وهمي بيحتفلوا بيه. بس مش فاهم هما ازاي مش واخدين بالهم إن البالونة اللي عمالين ينفخوها دي ممكن في النهاية تفرقع في وشهم”.
تعليق واحد
عندما كنت في القاهرة ؛ كنت مختفيا ، وجبانا رعديدا ، تبكي ليل نهار ، وبمجرد أن غادرت مصر ، طلعت ريشك ، صدقني أنت وأمثالك لفظكم التاريخ ، وكتب الشرفاء في لوح محفوظ أنكم مجرد مرتزقة ، تقبضون بالدولار لتهاجوا وتحرضوا على بلادكم ، مع أنكم تعلمون أن هناك من يتآمر ضد العرب … عد إلى ضميرك ورشدك أيها الشاب ، فوالله لن ينفعك ما تفعله وتدعو له ، فالقافلة تمضي وخطط الصهاينة زائلة ، ولله الأمر من قبل ومن بعد ….