(وطن – خاص) سخر الكوميدي الأردنيّ الشهير “عمر زوربا” من إعلان الفنانة اللبنانية إليسا وفاة “كلبتها” lady.
وكتب “زوربا” على صفحته الرسميّة على “فيسبوك” معلقاً على ذلك بالقول: “الكلبة Lady تبعت الفنانه اليسا ماتت اليوم ، اليسا عايشة حاليا بلحظة حزن شديدة حتى رافضه تظهر للإعلام !! وفي كثير من الوسط الفني راحو زاروها يواسوها في مصيبتها ، وبيقولو دموعها مش راضيه تنشف!!”.
وأضاف: “هاي الكلبة ليدي قبل هالمره ضاعت ساعتين ، اليسا عملت حالة طوارئ بلبنان مشانها !!”
وتابع: “انا مره ضعت ٩ ساعات ، و اخدوني عالجامع ، ونادو ع اسمي ، وما حدا سأل ، بالاخر رجعت عالبيت، لقيت الوضع جدا عادي، ابوي بس شافني سألني عن ريشة دريل ضايعه ، وامي قالتلي روح اطلب علبة ثلج من ام وائل جارتنا!”.
وزاد “زوربا” وهو الذي يكتب بلغةٍ يقول إنها أقرب الى متابعيه وأسهل للفهم: “يا جماعة وحدو الله انا كنت ضايع وعطشان !! وفي ولد قرصني من شسمو ورش عليي مي وتراب !! انا كنت رح اموت، وفي ولاد مسكوني وحطوني حارس عالچول ساعتين ، وصارو يشوتو عليي الفطبل سلخ. يلا يا عمي الدنيا حظوظ! “.
وختم سخريته قائلاً: “آر آي بي ليدي !! والله يصبرك يا اليسا ، إن شاء الله بكرا بتجيبي غيرها وبتسميها ليدي و مع الوقت بتنسي”.
كانت “إليسا” عبّرت عن حزنها لوفاة كلبتها “lady”.
