فجر الاعلامي المصري المثير للجدل أحمد موسى غضب الشارع, بعد وصفة سحرية وصفها للمصريين داعيا اياهم للتقشف وتطبيق قاعدته الشاذة بينما هو سيطبق قاعدة البذخ.
ووجه أحمد موسى المصريين طالبا إياهم بالتحمل والتشقف لحماية البلد قائلاً.. استحملوا شوية بلح وتنقعهم في لبن في كوباية زي كده أحلى فطار بـ3 ساغ، شوية ليمون مع سكر، مش لازم اللي مش عارف إيه، مش لازم قمر الدين.. أنا مبحبوش، ولا عين الجمل بـ180 جنيه هيعملك إيه يعني هيعالجك من القلب ولا يخلي نظرك 6 على 6؟ مش لازم كل واحد على أد مقدرته والعيال مش هيطلبوا”.
لكن في المقطع ذاته، يقول موسى عن نفسه: “أنا في رمضان أول يوم رمضان لازم آكل قطايف، وهي بداية رمضان ولازم أول يوم، مع فخدة الضاني اللي تدخل الفرن مع شوية حاجات حواليها وتخرج قبل الأذان. يا سلام هو ده الفطار، عشان تبقوا عارفين أنا هفطر إيه بكره، كل سنة وانتم طيبيين يا شعب يا عظيم”.
باسم يوسف: جوعوا أنتم وأنا لأ
وعلق الإعلامي الساخر باسم يوسف على المقطع قائلا: “مستوى الجنون والاختلال في الفيديو ده عدى كل المستويات، واحد عمال ينظر على الناس تاكل تمر ولبن وكفاية عليكم كده واتقشفوا وبتاع، وبعدين فجأة وبدون مونتاج وبدون فواصل ولا مقدمات بيقول إنه حيفطر فخدة ضاني وقطايف، ما هو من مدرسة “نجوع وآيه يعني نجوع المهم نبقى كده” معناها احنا نبقى كده وأنتم تجوعوا مش مشكلة، نقول آيه بقى؟ هااااااح”.
“انت معانا على نفس الكوكب؟”
وتعقيبا على حديث موسى، قال أستاذ العلوم السياسية سيف عبد الفتاح: “أحد الأذرع الإعلامية يناقض نفسه في أقل من دقيقة.. وكأنه يخاطب حيوانات!!!”.
وقال الشاعر عبد الرحمن يوسف: “أحمد موسى ينصح الشعب بالتقشف في رمضان: شوية بلح مع شوية لبن.. أحلى فطار بتلاتة ساغ! بعد ثواني.. أحمد موسى للشعب: أنا هفطر فخدة ضاني وقطايف! فيديو عبقري لا يصدر إلا من عبقري لا ينافسه أحد في المصداقية!”. حسبما نقلت عنه عربي 21.
وكتب شريف النجار: “د كيلو الليمون حضرتك بـ20 و25 جنيه كمان البلح غالي حضرتك واللبن الي بتقول عليه بـ8 جنيه وإيه العيال مش هيطلبوا دى لا عاوزه أفهما ليه العيال مش هيطلبوا”.
وعلق محمد خطاب: “ومش موجود معانا على الكوكب ده بيقولك بـ3 ساغ”.
وتعجب نبيل قنديل فقال: “تقريباً دي أغرب حاجة عملها أحمد موسى وهو ملك الغرائب! أنا فعلاً مش فاهم”.
وغردت أماني أحمد: “أحمد موسى عايزك تفطر على حاجه بتلاتة ساغ عشان خاطر مصر، هو هايفطر فخده ضاني مش بتلاتة ساغ”.
وقالت داليا حجازي: “ماتكلوش يا جماعة عشان أحمد موسى يلاقي حاجه ياكلها”.
