روى الإعلامي المصري الساخر باسم يوسف تفاصيل تعرضه للهجوم أثناء تقديمه أحد عروضه المسرحية في العاصمة البريطانية لندن.
وقال في تدوينة عبر صفحته على موقع التواصل الاجتماعي “فيس بوك”: “للتوضيح بس عشان اللي حصل في لندن، طبعًا في عناوين بتقول إني عملت عرض مسرحي يحرض ضد مصر وفيه مصريين هاجموني وشتموني والكلام المحفوظ ده”.
وتابع: “الحقيقة إن دول كانوا عبارة عن خمسة أو ستة واضحين إنهم مزقوقين من الأول وعمالين يغلوشوا عليا من الأول، و اللي يطّلع يقول أنا خاين واللي يطّلع يقول إن السيسي هو مصر ومصر هي السيسي واللي يطّلع يشتم”.
وأضاف: “عرفت بعد كده لما وريت صورهم لناس اعرفهم في لندن إن دول محترفين غلوشة وبلطجة ومزقوقين من أجهزة معينة، و بيكتبوا تقارير في المصريين اللي هنا بل إن في واحد منهم معموله محضر هنا عشان هدد واحدة من المتظاهرات قدام السفارة بالقتل”.
وواصل: “المهم أنا رفضت أن يتم إخراج أي حد من العرض وكنت متوقع إن الموضوع كله معمول عشان يتم تصوير دقيقتين وينزلوا على النت وده فعلاً اللي حصل بعد نص ساعة من نهاية العرض ونازل مع ترجمة وآخر حلاوة”.
وروى: “المهم كان فيه ناس في المسرح مع النظام وضد النظام ولا حد حس إن في إهانة لمصر أو تحريض ولا أي حاجة، أنا بأطلع في سي إن إن ووسائل إعلام مختلفة لو عايز أحرض كنت حرضت من زمان، بالعكس الناس على اختلاف ميولها استمتعوا جدًا”.
واختتم: “المحزن إن موارد البلد بقت تتصرف عشان حبة بلطجية يدفعوا تذاكر عشان ييجوا يعملوا حركات عيال ويغلوشوا زي بلطجية الأفراح، أنا سعيد جدًا بليلة امبارح دي وباستقبال الناس ليا وياريت يتم توظيف موارد البلد في حاجات أحسن من كده”.
وذكرت بعض وسائل الإعلام تعرض الإعلامي الساخر باسم يوسف لموقف محرج أثناء تقديمه أحد عروضه المسرحية في العاصمة البريطانية لندن، في إطار سلسلة العروض المقرر أن يجريها هذا الشهر فى انجلترا والولايات المتحدة.
تعليق واحد
الكلمة تهز هؤلاء الحشرات الذين يهاجمون باسم يوسف.