باسم يوسف لـ”الإعلاميين” المصريين: انتوا معروفين انكم “مـــ…”

شن باسم يوسف – الاعلامي الساخر – هجومًا قاسيًا على عدد من الإعلاميين المصريين وبعض اللجان الالكترونية بحسب تعبيره .
وقال “يوسف” لإعلاميين لم يسمِهم : موضوع الجزر ده فيه جانب مشرق. على الأقل في السوشيال ميديا و الإعلام عامة. يعني ممكن تلاقي ناس ملتزمة الصمت او بتحاول تناقش بعقلانية او بتحاول حتى تجيب وجهة النظر التانية بتعقل. كل ده تمام. بس فيه ناس كده في الاعلام و على النت حرفيا “مرمية على بطنها” و اكاونتات واضح قوي انها لجان و إعلاميين معروفين قوي انهم “مـــ….” . دول وشهم مكشوف. دول مش حتى بيحاولوا انهم يمثلوا. هجومهم الشديد على حتى اللي بيطالب بالشفافية و ان حد يطّلع يفهمنا. “بحسب وصفه”
وأضاف : ناس “مـــ….” و اكاونتات ناقلة من بعض حاطين نفس الصور و بيستخدموا نفس الجمل و نفس المنطق الملتوي اللي بكل بجاحة بيروجوا ان عادي نسيب حتة ارض كده عادي. الناس دي لجان او أمنجية او مسلمين دماغهم و لا يعتد بيهم. علموا عليهم و افتكروهم و اعرفوا ان الدوشة دي مختلقة و واخدين اكبر من حقهم ما يفرقوش حاجة عن لجان الوطني و الإسلاميين اللي اختفوا فجاة مع تغير السلطة. “بحسب رأيه”
وأضاف: دول هوا، تراب على الفاضي. ياللا يا “…..” دافعوا كمان، و “عــ….” كمان برروا كمان. انتم و لا حاجة انتم هوا. اطلعوا كده و بانوا و اظهروا “…..” عشان نعلم عليكم اكتر “بحسب وصفه”