جايين يبيعوا شرعية في حارة إنقلابيين!! ***
أهم الفوارق بين الفريق المصري و الفريق السيسي ده فريق مصري..لكن ده فريق (سيسي)!! ده فريــق منتخب.. لكن ده فريق (معين)!! على فكرة يا مصريين ـ مش هنقدر نجبر برادلي على الإستقالة من الإدارة الفنية للمنتخب القومي إلا إذا نزل الشعب كله إلى الميادين و الساحات الشعبية و ملاعب الكرة الشراب ـ ساعتها بس .. نقدر نضغط على برادلي و نعطيه مهله 48 ساعة فقط للإستقالة و الاّ رح نفرض عليه خريطة طريق تبدأ من ستاد القاهرة و تنتهي إلي حضن أمه!!. وإذا رفض ساعتها نقدر نوجّه له إتهام بالتخابر مع جماعات أجنبية من بينها جماعته هو شخصياً اللي كان بيخابرهم بصفة شبه يومية ببيت العيلة الأصفر في واشنطن!! عايزين بس نعمل لنا كم ذراع في أمريكا علشان نقوم بتفهيم الناس هناك أن ده مش إنقلاب على برادلي، و إن الحكاية و ما فيها أنه السيسي إجه في دماغه فجأة أنه هو بنفسه يمسك مدير فني للمنتخب المصري!! يا جماعة .. والله العظيم. و الله العظيم أنا ما بأحبِّش أحلف .. لكن و الله العظيم إللي عمله المنتخب الغاني ده خيانة أكيده و واضحة، ده اتخذ من مهارته و سرعته و حرفنته سلّم يصل به لمونديال البرازيل. و ياريته حتى زَقّ السلّم بعد ما وصل، كنا ساعتها عدلنا السلّم و صعدنا إحنا كمان وراه!! العجيب أنه و ياللأسف ـ و بكل أنانية وطمع ـ أخد السلّم معاه ..!! و والله العظم.. والله العظيم .. وأنتم عارفيني ما بأحبّش أبداً أحلف، لكن والله العظيم أنا إنقال لي من الفريق الغاني ” إحنا جايين في نوفمبرالجاي نأخد ورقة التأهيل لمونديال البرازيل”!! لكن لااااا.. هوّه مييين؟!! على مين يا سيد العارفين؟! جايين تبيعوا شرعية في حارة إنقلابيين؟!! ***