وطن– هاجم حسين حبيب، والد الفنان المصري حسام حبيب، نجلَه بسبب تصريحاته الأخيرة عن طليقته الفنانة شيرين عبدالوهاب.
وكان حسام حبيب قد أكد أن شيرين فعلاً أدمنت المخدرات، وأنه خيّرها بينه وبين التعاطي.
كما أكد حسام أنه لم يحصل على أي أموال من زوجته السابقة، مشيراً إلى أنه أمَّن مستقبل بناتها بوضع وديعة كبيرة لهن لا يستطيع أحد فكّها غيرهن.
“عايش على قفا مين؟”
وعلّق والد حسام بمنشورات عبر فيسبوك، على تصريحات نجله قائلاً: “إنت بقول انك عمرك ما اخدت منها فلوس واهلها عايشين علي قفاها. وانك ما بتشتغلش اربع سنين. كنت عايش علي قفا مين؟”.
وتابع: “وهيا قالت لي يابابا انا عايزه اتجوز راجل يصرف عليا. وقلتله عايزك تشتغل وتصرف علي بيتك عشان تكبر في نظر مراتك وتحترمك. الحب وحده لا يكفي”.
وكشف حسين أن نجله كان يأخذ منه المال، وقال: “اخدت مني مليون جنيه عشان تشطب فيلتك وما تعيشش في بيت مراتك وها اردهملك. ومن ساعه ما اتطلقت وانا بصرف عليك. ورايح تقول لعمر اديب وتهاجمني لتاني مره انك ماتعرفنيش من 14سنه”.
مصلحة فقط
وتابع: “اه ما بتعرفنيش الا للمصلحه وعشان تاخد فلوس. وما دخلتش بيتى سبع سنين وجيت بس تاخد فلوس. وقلت ما بتشتغلش عشان شيرين ومشاكلها كانت شغلاك”.
واستكمل حديثه الموجَّه لنجله حسام: “بقالك سنه مطلقها ما اشتغلتش ليه؟ بطل حجج وخليك راجل. انت فعلا مش تربيتي. انت تربيه واحده ست طلعت من بيت مامي علي بيت مراتك. يا اخي عرتنا”.
وأكد حسين حبيب أنه يهاجم نجله من مبدأ “قولوا الحق ولو على أنفسكم”. وتابع: “هو ينفع أخالف شرع ربنا بحجة أنني أحمي بناتي؟ لها الثلثان، والأهل لهم الثلث بعد عمر طويل. وده يخلي الأهل راضين ويراعوا البنات بعد عمر طويل، ودي صلة رحم، وغير كده ستزرع العداوة بين الأهل”.
بتخالف شرع الله
وزاد: “إنت كده مش بتحافظ على مال زوجتك، أنت بتخالف شرع ربنا. والنتيجة إنهم فضحوها وقضوا على مستقبلها، وزرعت العداوة بينهم، وحطمت زوجتك بجهلك بشرع ربنا. ولو كنت سألت أباك لأرشدك للحق، والكل طلع هو الكسبان يا قاطع صلة الرحم والعاصي لأبيك، ضيعت نفسك وضيعت البنت معك”.
وواصل حسين هجومه على نجله حسام: “هوه ينفع أخوها بقاله أكتر من 20 سنة بيراعي أخته وهي مصدر رزقه، آجي أقفل عليه الحنفية ويقعد 4 سنين من غير شغل. وراجع تاني تقفل عليه الحنفية هو وأمه وأخته وعايزه يسيبك. ياناوي على قوتي، ياناوي على موتي، الزوج يتعوض، الأم والأخ لا يعوضان، كلمة حق لوجه الله، والدين النصيحة”.
وحول تصريحات حسام عن السيارة، قال والده: “إنت بتقول لما رجّعت لها العربية، واحد بيشتغل معها أخد العربية إللي بخمسة ملايين. وقال لها هبقى أديكِ بيها شغل. وواحد محاسب تعرفه قريب شكالها حاله أعطته 100 ألف دولار وخلع. وبتكتب شيكات للناس على بياض”.
ليست سفيهة وعبيطة
وأردف: “إنت كده بتدّي مبررًا لأهلها ليحجروا عليها وبطّلعها على إنها سفيهة وعبيطة. وأنا من معرفتي بيها أنها واعية وناصحة، بتيجي تكحلها تعميها، اسأل أباك يقولك تقول إيه”.
وكشف أن شيرين حاولت الانتحار في المستشفى، كما أنها ترفض تناول الطعام بسبب ما تعرضت له، معترفاً بأنه ما زال يحبها حتى الآن.
ونفى حسام قيامه بالتعدي عليها بالضرب، مؤكداً أنه “شخص تربى على احترام النساء”.
