أزمة شيرين عبدالوهاب.. عصابة ومخدرات وحبس والفنانة تطمئن حسام حبيب من نافذة المستشفى!

وطن– نفى شقيق الفنانة المصرية شيرين عبدالوهاب، أن يكون قد اعتدى عليها بالضرب المُبرح كما ذكر محاميها أمس.

عصابة حسام وسارة

وقال محمد عبدالوهاب في تصريحات تلفزيونية باكياً: “أختي بتتعرض لعصابة حاطين برنامج تجسس على الموبايل. وواحدة صاحبتها جابتلها شيخة، والشيخة دي بتاخد آلافات”.

وتابع: “أنا مش هسيب أختي غير لما أرجعها لجمهورها وأهلها، لازم تقفوا جنبنا. الولد ده عنده وسايط وبيهددنا، وياسر قنطوش رفع عليا قضية امبارح وأنا مدخل أختي المستشفى بقالي 3 أيام، فين نقابة المحامين يقولوا إنت مين قالك ترفع القضية دي؟ دي عصابة”.

وشدّد شقيق شيرين على أنه لم يعتدِ عليها بالضرب كما أُشيع. وأردف: “والله الحكاية معقدة. أنا دلوقتي أختي بتتعرض لعصابة حسام حبيب وسارة الطباخ، أختي بتضيع وبتنهار. أنا مضربتهاش ولا اعتديت عليها”.

عادا معاً منذ أسبوع

وفجّر عبدالوهاب مفاجأة، حين كشف أن شيرين وحسام عادا معاً منذ أسبوع.

شيرين عبدالوهاب ترقص “السالسا” بالـ”هوت شورت”مع شاب في سهرة خاصة! (فيديو)

وتابع: “جابولها العربية بتوكيل وهي اتنازلت عن القواضي وهو متنازلش وضحكوا عليها، ورجعوا لبعض وبيتكلموا على الواتساب”.

وزاد: “شيرين لسة مأجرة شقة في التجمع. هي دي الشقة اللي جبتها منها، لأنهم بيتعاطوا مخدرات حسام وشيرين. والنيابة العامة بتحقق مع المستشفى اللي شيرين فيها وهما اللي فضحوها، أنا مضربتهاش، وموضوع المخدرات بقاله كتير. وماما هي اللي كانت بتخليني أسكت، وباست على رجلي وقالتلي انقذ أختك من حسام”.

وأكد عبدالوهاب أن علاج شقيقته شيرين إلزامي وضرورة لا بد منها. وقال: “أنا مدخلها المستشفى دخول إلزامي، يعني هي غير مؤهلة وهي تستدعي العلاج الإلزامي. وهي مكانتش موافقة وأنا خدتلها لجنة من المستشفى تجبها، دي أختي لازم ألحقها. ولو رقتبي هتطير مش هخرج أختي غير لما الطب يقولي أختك كويسة”.

فضائح بالجملة

وهاجم شقيق شيرين طليقها الفنان حسام، وقال: “حسام حبيب ده واحد دمر أختي، ولما روحت البيت كان هناك واعترض إني اخدها. ولكني أنا كنت واخد ناس متخصصين، ومحدش أعتدى عليا، وإحنا قولنا إنها وقعت عشان كان عندها حفلة في الكويت. عشان متتعرضش للمسألة القانونية، ومش هقول إني دخلتها مستشفى”.

وتابع: “في ناس مش عايزينها تتعالج ولا تكون كويسة، وأمي قاطعت كل صحابها بسبب الفضايح”.

طردت والدتها

بدورها، قالت والدة شيرين السيدة كريمة أبو زيد: “بعد آخر حفل لها طلعت تشرب 3 أيام هي وحسام حبيب. وطلعت اتخانقت معايا وطردتني من البيت أنا وأختها”.

وتابعت: “سألت شيرين حسام حبيب إيه اللي جابه هنا؟  قالتلي أنا حرة أنا شيرين عبد الوهاب، ما هي مش دريانة، هو بيأمرها بكد.  هو مش عايز يخلي حد جنبها عشان يستفرد بيها”.

وأكدت والدة شيرين، أنها هي مَن طلب من شقيق الفنانة أن يُدخلَها للمستشفى لينقذَها.

وروت كريمة عن حوار حدث بينها وبين حسام. وقالت: “حسام أنا طردته، قالي أنا هتجوزها قُلت له لما تشوف حلمة ودنك”.

أنقذوا ابنتي

وتابعت: “حسام حبيب ده شر أنقذوا بنتي منه.. وبتسهر هي وحسام حبيب يشربوا مخدرات”.

وطلبت والدة شيرين، أن يتم إنقاذ ابنتها. وقالت: “الواد حسام ده شر. وبنتي بقالها 3 أيام بتشرب هي وحسام حبيب وطردتني أنا وأختها من البيت”.

وأضافت: “كان هناك خلافات سابقة بيني وبين حسام. وعلاقتي ببنتي كانت كويسة جدًا، ولكنه أول ما جه طردتني”.

واستطردت والدة شيرين: “أنا اللي اترجيت ابني عشان مش مأمنة عليها.. بطلب من ربنا تحموها من حسام حبيب لأنه شر. بنتي كانت كويسة والواد دا رجع قلب حالها”.

شهر علاج

بدوره، أكد محامي شيرين “ياسر قنطوش” أن الفنانة بالمستشفى بسبب وجود تقرير طبي، يذكر به أنه لا بد من معالجتها.

وكشف قنطوش أن المختصين بالمستشفى قالوا، إن شيرين تحتاج شهراً للعلاج، ومن حقها أن تخرج من المستشفى وتتعالج في أي مكان تريده.

وأشار قنطوش إلى أن المختصين بالمستشفى، أوضحوا أنه لا بد من معالجة حالة شيرين لمدة لا تقل عن شهر.

وكشف قنطوش أن بعض أصدقائها عرضوا أن يقوموا بتسفيرها للخارج، لتلقي العلاج.

ونشرت صحيفة القاهرة 24، صوراً لشيرين وهي تطمئن حبيب، وبعض الأصدقاء المقربين من شرفة المستشفى المحجوزة به، بمنطقة مصر الجديدة بالقاهرة.

وتبادلت شيرين الإشارات معهم، أثناء انتظار إنهاء إجراءات خروجها من المستشفى.