كشفت الفنانة المصرية سمية الخشاب أنها لا تمانع تقديم دور آخر عن المثلية الجنسية. والمشابه لما قدمته مع مواطنتها غادة عبدالرزاق في فيلم “حين ميسرة”.
لا مانع من تقديم المثلية الجنسية
وقالت سمية الخشاب أثناء استضافتها في برنامج “حبر سري” عبر قناة “القاهرة والناس”. إنها لا تمانع تقديم أي عمل يتناول موضوع هادف يوجه الشباب أو يبرز شيء منافي للآداب.
وأضافت: “المنصات اللي ظهرت مؤخرًا تقدم جميع أنواع المشاكل والموضوعات. وكثير من الأفلام التي تعرض عبر المنصات تتناول موضوع المثلية الجنسية”.
وتابعت سمية: “بالنسبة لي لو عندي موضوع هادف. يوجه وينصح الشباب الجديد لشيء منافي للآداب ولتعليمنا ودينا وستكون مفيدة للجيل الجديد. أكيد هعملها مش فكرة أني بعمل حاجة عيب أو حرام”.
اقرأ أيضا: بـِ”هوت شورت” .. سمية الخشاب بإطلالة مثيرة في أحدث ظهور (شاهد)
كومكيس الطحال سخيف
ورداً على سؤال “هل ترين أن الفن ليس عيب أو له حدود وسقف؟”. ردت سمية: “ما دام ده فن وموضوع هادف وهيفيد الناس في نطاق عادتنا وتقاليدنا ليه لأ. ممكن تقدمي موضوع دون أن تجرحي مشاعر المشاهد وهذا يعتمد على مخرج شاطر وورق كويس”.
وأشارت الفنانة المصرية إلى أنها لم تستغل تصريحات فقدانها الطحال حتى تتصدر التريند على السوشيال ميديا. مؤكدة أنها استاءت من سخرية الجمهور حول الأمر من خلال الكوميكس.
وأضافت: “هما اللي استغلوا التصريحات عشان المصيبة اللي حصلت لي. وحاجة سخيفة أن الناس تطلع كوميك وتهزر أقول لهم إيه. إن شاء الله تجربوا اللي أنا جربته”.
سمية: “احلويت بعد ما شلت الطحال”
وتابعت: “لازم الناس تحترم مشاعر بعض ما ينفعش نهزر على كل حاجة. ونقعد نطلع كوميك على حاجات تتعبنا كبشر.
وزادت سمية: “الدنيا دوارة وكله سلف ودي. في بعض الناس بيعملوا كوميك على مصايب ومشاكل ناس تانية بتتألم طيب يا رب يبقى عندهم اللي عندي. في ناس مستظرفين نفسهم وتافهين يخلوا مشاكل الناس مادة للسخرية هما سخفاء وجهلة”.
وأكدت سمية أنها لم تعد تتأثر، مضيفة: “فيه ناس بتقولي إزاي الطحال. أنا ما عنديش طحال أصلا فاكرين إنها نكتة. وناس تقول لي أخبار الطحال إيه يا فنانة.. ده السؤال المتداول ما بفتش أضايق”.
وتابعت: “أنا متصالحة مع نفسي والحياة صحتي كويسة يمكن هو كان فيه مشكلة. ومن ساعة لما شلت طحالي بقى دمي خفيف واحلويت وبقيت فرفوشة”.
أعمال السحر
كما كشفت سمية أنها تعرضت لأذى من خلال السحر. مشيرة إلى أنها لم تعد تتأثر بالأعمال.
وحول الأمر قالت الفنانة المصرية: “أنا دايما بتأذي بالأعمال والأسحار. بس أنا دلوقتي مبقتش اتأثر وبقيت محمية بالنور وربنا”.
وأضافت: “الناس اللي بتعمل الأسحار دول أقل مننا بكتير. وأنا قريت كتير في الطاقة ودرست تنمية بشرية. واللي بيحاول يعملي سحر هيفشل. لأن أنا طاقتي طاقة نور. وأنا أقوى من أي ساحر أو مشعوذ والنور محوطني ومحدش هيقدر عليا”.
“لو كحيت أطلع تريند”
ورداً على سؤال الإعلامية أسما إبراهيم “هل قصدتي تظهري مع محمد رمضان. في مقطع الفيديو المنتشر على مواقع التواصل الاجتماعي عشان تطلعي تريند؟”. ردت سمية:” أنا نجمة ومشهورة من قبل ما محمد رمضان يكون نجم وهو زميل وكان موجود في مهرجان الجونة”.
اقرأ أيضا: سمية الخشاب ترتدي روب استحمام جديد بطريقة فستان السهرة وتثير الجدل بصورها!
وواصلت: “وأنا ومليون ممثل تاني كنا موجودين، ومفيش الكلام دا. أصل أيه اللي بقصد أظهر معاه عشان أتشهر؟ أنا كنت قاعدة مع صحابي وهو كان موجود ووقف جنبي كزميل عادي ومش متفقين على كدا”.
واختتمت: “وهو ما شاء الله لما بيكح بيطلع تريند، وأنا ما شاء الله بردو لو كحيت هطلع تريند. بالتالي أنا مش مستنية التريند يعني، وأنا مش بظهر مع محمد رمضان أصلا دا هي مرة أو مرتين بالصدفة”.
المصدر: (وطن – القاهرة والناس)
ذات صلة
- آراوخو يحج إلى تل أبيب.. رحلة مثيرة تهز برشلونة وم…
- البؤرة التي تخفيها كلمة “مزرعة”.. مشروع تمدّد استي…
- حين يكشف الوجه الحقيقي.. محمد صبحي من نصوص الأخلاق…