خرج الاعلامي المصري محمد الغيطي المؤيد للنظام عن النص مهاجما الحكومة المصرية ورئيس النظام عبد الفتاح السيسي.
وجاء هجوم الغيطي في تعليقه على خسارة المنتخب المصري أمام الكاميرون في بطولة كأس أمم افريقيا.
وقال في برنامجه “صح النوم”: “النتيجة اللي عملها المنتخب احنا مشينا وراها .. نفس الموضوع حصل مع الحكومة عشان ميقولكش كل حاجة على الشعب بس اللي ماسك الاتجاه العام والمنتج هو اللي بيحطلنا الرؤية اللي هما الرئيس والحكومة واحنا ماشيين وراهم .. انتوا اللي بتشغلونا الرئيس والحكومة .. زي كوبر وجهازه .. انتوا اللي بتقولولنا يمين يمين شمال شمال .. انتوا اللي بتستغلوا طاقاتنا وقدراتنا .. انتوا اللي بتحطوا القوانين وانتوا اللي بتشرفوا على تنفيذها .. يعني الرئيس والحكومة عاملين زي كوبر وقانون اللعب والحكم”.
وأردف: “لما ينجحوا هنصقفلهم ونهيص معاهم ونغني ونطلع بالإعلام .. ولما يفشلوا هنقولهم لا .. انتوا أحبطتونا وتعالوا نشوف انتوا فشلتوا في تحقيق حلمنا وأملنا ليه ؟ .. كوبر يبدو لي بالفعل كأن هو النظام .. هما أخفقوا وفيه عيوب .. نفس طريقة الحكومة والنظام .. المشكلة تبدأ أن أنتوا ادتونا طموح أعلى من قدراتنا وقولتوا أنكم هتشيلوا 200 كيلو وانتوا مش قادرين تشيلوا 10 كيلو .. انتوا لما حطيتوا خطة السياسة جبتوا معاكم ناس مواهبها الفردية رهيبة لكن فيه ناس لا تصلح ومع ذلك جبتوهم زي الوزراء لأن هوى كوبر خفيف على قلبه .. يبقى المعيار مش الكفاءة وإنما الشللية .. فيه واحد اتقالك إن السي في بتاعه مش كويس وفيه احسن منه بس مجبتوش عشان أي حاجة يبقى المعيار مش الكفاءة ولا الخطة ولا الرؤية “.
اقرأ أيضًا
ذات صلة
- فيديو
- سرقة تحت القبة.. فيديو لتصرف لا يصدق من برلماني تا…
- واقعة صادمة لطائرة تهبط دون عجلات.. دارت حول المطا…
تعليقان
حد فهم حاجة ؟
انا مافهمتش