انتقد الناشط والكوميدي الأردني، عمر زوربا، تغطية التلفزيون الرسمي الأردني، لأحداث الكرك، الأحد، والتي قُتل فيها 4 من مرتبات الأمن العام، وثلاثة من قوات الدرك، إضافة الى مواطنيْن اثنين وسائحة كندية، وأصيب 22 آخرون.وفقاً للناطق باسم الحكومة الأردنية الدكتور محمد المومني.
وكتب “زوربا” منشوراً على “فيسبوك”، جاء فيه: “لما يصير اشي بتونس ، افتح عالتلفزيون التونسي بتفهم القصة!.يصير اشي موزمبيق، افتح تلفزيون موزمبيق بتفهم الطابق !.لما مشكلة بتصير بمصر، بتفتح عالسريع عالتلفزيون المصري بتفهم شو صاير !!”.
وأضاف: “اما لما يصير مشكلة بتتعلق بالوطن بالاردن ، لما تلاقي الكبير والصغير بحاول يلاقي خبر يطمنو !!بتفتح ع ام التلفزيون الأردني بتلاقيهم جد بحكو عن اغلاق سوبر ماركت بالمقابلين لانو ملاقيين عندو حليب فاسد!!!!”.
وقال: “يا جماعة التلفزيون مشان الله ، حسسونا انكم مصدر رسمي للأخبار ، وين نتابع اخبار البلد؟! بدنا نضل نركن على اللي بطلعو اشاعات؟! مأحنا كل خمس سنين ليصير عنا قصة! طب خدو كاميرا ومراسل عالكرك ، وحسسونا بأي اشي ، عادي نتابع اخبارنا من العربية والجزيرة؟! طب وين المشكله؟! بس شاطرين تطلعو كاميرات لشب اخترع عصارة ليمون؟!”.
وتابع: “محملينا مليون جميلة بالشريط الاخباري اللي كلو اخطاء و اخبار عن دوري ابطال اوروبا! طب المغتربين، اللي برى الاردن ، اول ميسمع في اشي صاير بالاردن، بمسك الريموت وعالسريع بفتح عالتلفزيون الاردني، بتفاجئ ببرنامج عن تكاثر الجراد بحقول الغور!”.
وواصل زوربا: “والله فضيحه هاي، والله اشي بقهر والله، مهو في ميزانية وفي ملايين وفي تجهيزات وفي ٣٠٠ الف موظف، بدناش. تصورولنا سمك الثلج بجبال عجلون، ولا تصورولنا سباق الضاحية اللي بمدرسة الياسمين، بدنا بس توقفو البرامج الهادفه بس طوارئ ساعتين بس!”.
وطالب الكوميدي الأردني بإغلاق التلفزيون الاردني، قائلاً: “سكرو التلفزيون واقلبو فندق احسن، او تضمنو بحقو كم تكسي بنستفيد اكثر !.هينا فاتحين عالعربيه وجد ل لحظة حسيت انو قناة العربية قناة اردنية! مش ضايل الا يحطو كاميرا فوق راس الارهابي!ولو يشدو حالهم شوي ، الجمعة الجاي بحطو يسعد صباحك!”.
وأعلنت مصادر مسؤولة ان قوات الدرك والأجهزة الأمنية قد تمكنت من القضاء على عدد من المسحلين، ممن كانوا مستحكمين في قلعة الكرك، بعد اعتداءاتهم المنفذة ظهر اليوم.
اقرأ أيضًا
ذات صلة
- جدل واسع بعد رسالة أحمد السقا إلى ليفربول دعمًا لم…
- تمساح أرعب قرية مصرية ثم تحول إلى “بطل كوميدي”!
- “الفاشر جحيم مفتوح”.. تحقيق صادم لـ واشنطن بوست!