قال الإعلامي المصري، جابر القرموطي، إن قضية جزيرتي صنافير وتيران أصبحت أزمة لأن الشعب المصري شعر بأن نوعا من “المقايضة” وقع، ما طغى على فوائد زيارة العاهل السعودي التاريخية، وأكد القرموطي أن ذلك يعود لـ”سوء إدارة الملف” من كلا الجانبين المصري والسعودي، وذلك على برنامج “مانشيت” على فضائية “ONtv”، الثلاثاء.
إذ قال القرموطي: “إحنا مش مشكلتنا إن الجزيرتين دول سعوديتين أو مصريتين، مشكلتنا في إدارة الملف، حتى من جانب السعودية، يعني السعودية كمان أخطأن معانا في إدارة الملف.. ليه بقى؟ لأننا احنا الاتنين فجرنا الزيارة. الزيارة ناجحة بكل المقاييس، وما بتحصلش كتير، ومش حتحصل كتير، أن يجي خادم الحرمين الشريفين ويتكلم عن قضايا، إيه ده؟ إحنا ما شفناش كدة قبل كدة، في العصر الحديث حتى، من خمسين سنة.. ما شوفناش ملك السعودية أو رئيس دولة يجي يعمل معانا اللي اتعمل ده.”
ووصف القرموطي ما آلت إليه الزيارة بأنه “نوع من التوأمة” وأن الشعب المصري شعر بذلك، مضيفا: “لكن تفخخت التوأمة، بقينا منفصلين.. ليه؟ لأن اللي حصل إن احنا حطينا ملح زيادة أوي على الأكل، احنا حطينا شطة زيادة أوي على الأكل، إحنا قلنا إن الأكل أه لذيذ وكويس وطِعم وحلو، فطمعنا، كل ما نحط شوية ملح، نحط كمان شورية، لما خلاص بوّظ الاتفاقيات، طارت الاتفاقيات، مش حاسيين بالاتفاقيات، بدل ما كنا ننعم بفكرة الخلاص والبداية والاتفاقيات والتوأمة والمشاركة، كنا عايزيين نتكلم عن ده، عن التحالف.. لكن ما حدث خطأ يُسأل عنه كل مسؤول في المملكة العربية السعودية وكل مسؤول في جمهورية مصر العربية.”
واستطرد القرموطي عن “الخطأ” الذي رأى أنه حدث في إدارة ملف الجزيرتين، قائلا: “شعر البعض بأنه حصل نوع من أنواع المقايضة، وهذا لم يحدث، بس شعر البعض بده.. ده حتى (آسف يا ريس) بينتقدوا.. وصلنا لمرحلة إن الإخوان و”آسف يا ريس” بقوا متعاطفين مع بعض، بيقولوا إحنا ما بعناش لكن السيسي باع.”
وأكد القرموطي أن السيسي “كان في حل تماما أن يبعد عن هذه الأزمة لو كان هناك إدارة جيدة لها.. لازم نعترف يا سيادة الريس إن إحنا حتى الآن لا ننجح في إدارة أي أزمة.”
ذات صلة
- جدل واسع بعد رسالة أحمد السقا إلى ليفربول دعمًا لم…
- تمساح أرعب قرية مصرية ثم تحول إلى “بطل كوميدي”!
- “الفاشر جحيم مفتوح”.. تحقيق صادم لـ واشنطن بوست!