استنكر الناشط السياسي وائل غنيم، استمرار حبس الصحفي الشاب حسام عيسى، حتى الآن، على الرغم من صدور حكم ببراءته يوم 26 يناير، بعد عامين من حبسه احتياطيًا، مستنكرًا استمرار حبس الشباب احتياطيًا دون محاكمة.
وقال -عبر منشور له على “فيس بوك”-: “يوم 26 يناير، القاضي حكم ببراءة الصحفي الشاب حسام عيسى من كل التهم الملفقة ضده، الحكم صدر في الجلسة الثانية اللي حصلت بعد سنتين من سجنه احتياطيًا في سجن برج العرب! يعني فيه سنتين ضاعوا من حياة حسام وهو مسجون منتظر قاضي ينظر في قضيته. وكأن حياة الناس لا قيمة لها”.
وتساءل “غنيم”: “مين هيعوض حسام عن السنتين اللي راحوا من عمره هباء؟ وهل الضابط اللي لفق لحسام القضية هيتحاكم؟ هل وزير الشباب هيروح يستقبل حسام وهو خارج من السجن ويعتذر له لأن اللي حصل له مش من “أخلاقنا” اللي عايزين شباب مصر يتحلى بيها؟”، وأعرب عن أسفه قائلًا: “للأسف الأسئلة دي دلوقتي رفاهية”.
وأضاف “حسام لحد النهارده محبوس في قسم المنتزه بعد أسبوعين من حكم المحكمة بالإفراج عنه. ليه؟ لأن الأمن الوطني مش عايز يخرجه، وفيه خوف من إنهم يكونوا بيجهزوله قضية تانية تمنع من خروجه ويرجع بسببها مسجون احتياطيًا مرة تانية”.
وأشار “غنيم” إلى أن “آلاف الشباب الواعد مرميين في السجون قهرًا وظلمًا دون محاكمة وفي ظروف غير إنسانية، في ظل تأييد واسع وهوس أمني هيسبب للبلد كارثة على المدى البعيد، ومش هينفع وقتها نعالج مواطن الخلل وشعور المظلومين دول باليأس والرغبة في الانتقام بحملة إعلانات عن الأخلاق على المحور إحنا للأسف مش بنواجه التطرف، إحنا بنصنعه!”.
اقرأ أيضًا
ذات صلة
- جدل واسع بعد رسالة أحمد السقا إلى ليفربول دعمًا لم…
- تمساح أرعب قرية مصرية ثم تحول إلى “بطل كوميدي”!
- “الفاشر جحيم مفتوح”.. تحقيق صادم لـ واشنطن بوست!