طالب مرتضى منصور، رئيس نادي الزمالك، الرئيس عبد الفتاح السيسي بتطبيق قانون الطوارىء، قائلا له «احمى الشعب بقانون طوارىء وماتسألش في حد»، في معرض تعليقه على التفجيرات التي شهدها محيط قصر الاتحادية، الإثنين، وأسفر عن مقتل ضابطين وإصابة 13 آخرين.
وقال «منصور»، في مداخلة مع الإعلامي مدحت شلبي ببرنامج «يا مساء الأنوار» على قناة «النهار رياضة»، الثلاثاء: «عاوز أقول لللي موت الـ 2 ظباط في رمضان الشهر الحرام إلى مزبلة التارايخ، مايعرفوش كم الكراهية اللى بيكنها المصريين ليهم، الراجل بتاعكم مش راجع، مصر مش هترجع لما قبل 30 يونيو، مش هتبقى العراق ولا سوريا».وأضاف مخاطبًا السيسي: «طول عمري في مجلس الشعب ضد قانون الطوارىء أنا بقولكم احمي الشعب بقانون طوارىء، المصريين قرفوا، سيبك من جمعيات حقوق الإنسان وحموم الإنسان والقرف اللي إحنا فيه، اعمل قانون طوارىء للإرهابي والبلطجي، وانسى جمعيات حقوق الإنسان.. أمريكا فيها قانون طوارىء».
وتابع: «قانون (الطوارىء) اللي أنا ضده طول عمري واتكويت بيه من زكي بدر (وزير الداخلية الأسبق)، بقولك لحضرتك من فضلك اعمل قانون طوارىء أنت في أيدك السلطة التشريعية وما تسألش في حد مصر، ومصر وأمن المصريين أهم من أي بني آدم بيجعر وبيقبض من قطر أو من أمريكا».
