وطن _ بعد اعلان هزوان الوز وزير التربية في النظام السوري إن الوزارة اتخذت قراراُ بأن باستقطاب مدرسات اللغة الروسية لتدريس اللغة بدءاً من الصف السابع كلغة ثانية…….انتشرت في وسائل التواصل الاجتماعي تعليقات ونكات مضحكة مقترنة بصور تناسب هذا الموضوع ….ادناه بعض ما نشر ويعبر عن روح الفكاهة لدى الشعب السوري رغم كل ما جرى .
بالمشرمحي..شو حيصير بس يجو “الروسيات” عالمدارس الموجهين حيحللو عن آنسات الرسم والرياضة جماعة البوفيه حيفلسو _n
اي ما حلوة ياخدو من ناتاشا حق سندويشة الجبنة …
وكاسة الشاي و هاد يا سيدي مدير التربية بيعمل كل يوم جولة تفقدية على واقع سير عمل الخطة التدريسية لتدريس اللغة الروسية .. ومو بس مدير التربية بكرا مدير الكهربا بدو يتفقد كهربة المدارس ومدير الصحة بدو يتفقد الحالة الصحية للطلاب وغيرو وغيراتو رفاقنا بالشبيبة كل يوم حيخلعو نشاط لصف السابع حصرا هي اذا مو كل يوم نشاطين ومسيرة المستوصف المدرسي حيتعبا من ورا خناقات الطلاب على المقعد الاول ..
هي غير حالات العشق والمراهقة وحتتعبى حيطان المدارس ..
“حبك قطعلي رجلي يا كاتيوشا”..
و “حرقت الدنيا لاجل عينيك كاترينا” وزارة التربية حتنقل اجتماعات ولاة الامور لملعب العباسيين ..
لان باحات المدارس ما حتسع اهالي الطلاب يلي بدن يسالو عن وضع ولادن بالروسي حصرا .. لك شو بدكن بهالحكي والله التهريب مو متل الوطني