أعلن الفنان الشاب هادي خفاجة اعتزال التمثيل في مصر نهائياً؛ بسبب موقف محرج تعرض له من فريق عمل برنامج “وش السعد”، والذي يقدمه الفنان محمد سعد، مشيرا إلى أنه سيكمل مشواره الفني في دول أخرى “تقدر الإنسانية”. كما قال
وروى “هادي” ما حدث معه في منشورٍ له على “فيسبوك”، قائلاً: “قررت أنا هادي خفاجة اعتزال التمثيل نهائيا في مصر وده بسبب الموقف اللي انا هاحكيه هو موقف في قمة قلة الذوق اللي في الدنيا جاتلي مكالمة الساعة 12 بليل ان محمد سعد عايزني في تصوير فى حلقة من برنامج وش السعد وانه عايز يقعد معايا طبعا انا لبست وروحتله الساعة 1 بليل كان موجود الكاست كله ونجوم الحلقة ايتن عامر ومنة عرفة وعملنا بروفة واتفقت مع مدير الانتاج والملابس وكل حاجة واستاذ سامح عبدالعزيز المخرج قعدت معاه واتكلمنا عن الشخصية واتفقنا ان التصوير بعدها بيوم خلصت كات الساعة 4 الفجر وروحت البيت”.
ونشر خفاجة صوراً لورق السيناريو، وتابع بالقول: “نمت وصحيت استعديت نفسيا اني رايح التصوير وحفظت السيناريو كان المعاد الساعة 5 المغرب لقيت اتصال وانا في الطريق الساعة4 العصر من واحد من مساعدين الإخراج بيقولي استاذ هادي احنا اجلنا الاسكتش بتاع حلقة حضرتك وهنكلمك نقولك امتى التصوير انشاء الله ..افتح التلفزيون من شوية ألاقى الاسكتش بتاعى اتصور بممثل تاني؟؟ طب ليه اللف والدوران الحمدلله تاريخي مش هيقف على حلقة بس موضوع تقديرانا احبيت احكى لاني وسط حاجات كتير حصلتلي مكنتش مستحمل حركة زي دي وبكرة بإذن الله هكون في نقابة المهن التمثيلية وهاسلم استاذ اشرف زكي عضوية النقابة لأنها متلزمنيش في شيء دلوقتي بس بجد كفاية تدمير في المواهب وإحباط في الناس لأن الوسط بجد أصبح عصابات تتحكم فيه”
وأنهى الفنان الشاب كلامه قائلاً: “ده قرار نهائي بجد بيني وبين نفسي مش هرجع فيه”.
